Польша бір аптада үшінші рет Ресей ұшағын тоқтатты

Польша әскерилерінің айтуынша, Ресейге тиесілі Ил-20 барлау ұшағы Балтық теңізі аумағында расталған ұшу жоспарынсыз және транспондерлері өшірілген күйде ұшқан. Әскерилер мұны аймақтағы әуе қозғалысы қауіпсіздігіне ықтимал қауіп ретінде бағалады.

Ұшақты тоқтату үшін Польша Әскери-әуе күштерінің МиГ-29 жойғыш ұшақтары әуеге көтерілді.

Осындай оқиғалар бұрын да болған: 28 октябрьде және 30 октябрьде Польшаның МиГ-29 ұшақтары Ресейдің Ил-20 ұшағын Балтық теңізінің үстінде, елдің әуе шекарасына жақын аумақта тоқтатқан.

Польша әскері Ресей авиациясының Балтық аймағындағы белсенділігінің артып келе жатқанын атап өтіп, "НАТО-дағы одақтастармен ынтымақтастықта толық жауынгерлік дайындықта екенін және Ресейдің кез келген арандатуына жауап беруге дайын екенін" мәлімдеді.