Түркияда 62 миллион долларлық есірткі тәркіленді

Түркия шекара қызметі Ираннан ел аумағына ірі көлемде есірткі заттарын кіргізу әрекетін жойды.

"Report" басылымының жазуынша, Түркия Сауда министрлігінің мәліметінше, 1 ноябрьде Агри провинциясындағы Гурбулак бақылау-өткізу пункттерінің бірінде жүргізілген арнайы операция кезінде 721 келі сұйық метамфетамин табылған.

Тәркіленген есірткінің жалпы құны 2 миллиард 612 миллион түрік лирасына, яғни шамамен 62 миллион 185 мың АҚШ долларына тең екені айтылды.

Сондай-ақ, жыл басынан бері Түркияда жалпы 30,1 мың келі есірткі заты ұсталғаны, олардың жалпы құны 96 миллиард доллардан асқаны хабарланды.