АҚШ жазда жасырын ядролық сынақ өткізгені белгілі болды

АҚШ-та жазғы маусымда жүзеге асырылған кезекті ядролық сынақ туралы ақпарат берілді. Бұл туралы ресми ақпаратты Энергетика министрлігі құрамында жұмыс істейтін Sandia зертханасы жариялады.

Ақпаратқа қарағанда, F-35 сериясына жататын заманалық жойғыш ұшақ Невада штатында орналасқан Тонопа полигонында жауынгерлік заряды жоқ B61-12 типті ядролық бомбаларды тастаған. Бұл жаттығулар 19-21 август күндері өткізіліп, олардың мақсаты - АҚШ ядролық арсеналының сенімділігін тексеру және ұшқыштардың біліктілігін арттыру болғаны айтылады.

Осы модельдегі B61-12 бомбаларының қызмет ету мерзімі 2024 жылы тағы 20 жылға ұзартылғаны айтылды. Бұл Вашингтонның ядролық бағдарламаны ұзақ мерзімді стратегиялық бағыт ретінде сақтап қалуына сілтеме жасайды.