Оңтүстік Кореяда ірі логистикалық қойма жанды

Оңтүстік Кореяның Чхонан қаласында елдегі ең үлкен логистикалық қоймалардың бірі өртке ұшырады. "Чосун" басылымының жазуынша, оқиға салдарынан зардап шеккендер тіркелген жоқ.

Мәліметтерге қарағанда, өртті сөндіруге 63 арнайы өрт-құтқару техникасы мен бірнеше қаладан келген 129 құтқарушы жұмылдырылған.

Қойма киім-кешек өнімдерімен толық толтырылғандықтан, жалын аз уақытта үлкен аумаққа тарағаны айтылады.

Билік азаматтарға қауіпті аймақтан мүмкіндігінше алыс жүруді және төтенше жағдай болған жерге жақындамауды қатаң ескертеді.