Ресей әуе соққысы Харьков орталығына бағытталды

Жұма күні Ресей әскері Украинадағы Харьков қаласының орталығына әуеден шабуыл жасады. Алдын ала мәлімет бойынша, оқиға салдарынан кем дегенде 12 адам түрлі дәрежеде жарақат алған.

Бұл туралы Харьков қаласының мэрі Игорь Терехов мәлімдеді. Оның айтуынша, әуе соққысы қаланың Киев ауданында орналасқан көпқабатты тұрғын үйге тиген.

Осы әуе шабуылы салдарынан қоршаған орта мен инфрақұрылымға үлкен зиян келтірілгені айтылды. Оқиға орнында құтқару қызметтері мен тиісті мекемелер жұмыс істеп жатыр.