Трамп Мадуроны кешіруді жоспарлап отырған жоқ

АҚШ президенті Дональд Трамп Венесуэланың бұрынғы басшысы Николас Мадуроға рақымшылық жасау туралы жарлыққа қол қойғысы келмейді.

Бұл туралы The New York Times басылымы хабарлады.

Газеттің хабарлауынша, Ақ үй басшысымен сұхбат барысында журналистер АҚШ-та сот процестеріне тартылған кейбір адамдар, соның ішінде Николас Мадуроға қатысты кешірім мәселесін көтерді. Алайда Дональд Трамп бұл сұраққа нақты және қатаң жауап берді.

The New York Times басылымының айтуынша, президент аталған тұлғаларды, соның ішінде Мадуроны кешіру жоспарының жоқтығын ашық айтқан.