Оңтүстік Кореяда бұрынғы президентке 5 жыл: себебі неде?

Оңтүстік Кореяда сот экс-президент Юн Сок Ёльді 2024 жылдың декабріндегі соғыс жағдайын жариялау әрекетінен кейін қамауға алу туралы бұйрықты орындауға кедергі келтіргені үшін кінәлі деп тауып, 5 жылға бас бостандығынан айырды. Сондай-ақ, сот құжаттарды қолдан жасау және соғыс жағдайы бойынша заңды процедуралардың сақталмағанын да атап өтті.

Yonhap келтірген мәліметке қарағанда, Юн Сок Йолға қатысты одан да ауыр - бүлік/көтеріліс бойынша бөлек сот процесі де жүріп жатыр. Кейбір дереккөздерде прокуратура бұл іс бойынша өлім жазасын сұрағаны айтылады.

Reuters мәліметінше, бұл үкім - Юнге қатысты бірнеше сот процестерінің ішіндегі алғашқы ірі шешімдердің бірі және ол үкімге шағымдануға құқылы.