Украинада Ми-24 әскери тікұшағы апатқа ұшырады

Украина Қарулы Күштері жауынгерлік тапсырманы орындау барысында Ми-24 әскери тікұшағын жоғалтты. Апат салдарынан әуе кемесінің экипажы қаза тапты.

Бұл туралы Украина Қарулы Күштерінің "Херсон" 11-жеке армия авиациялық бригадасы ресми түрде мәлімдеді.

Бригаданың мәлімдемесінде атап өтілгендей, жауынгерлік тапсырмадан оралмаған Ми-24 тікұшағының экипажы елге қызмет еткен жанкешті әскерилер болған.

"Біз бұл ауыр және орны толмас қаза туралы қайғыра хабарлаймыз. Қарулас достарымыз - Ми-24 тікұшағының экипажы жауынгерлік тапсырмадан қайтпады. Олар нағыз патриот, жоғары жауапкершілікке ие және нағыз лайықты офицерлер болды," - делінген бригада таратқан мәлімдемеде.