Ауғанстандағы жер сілкінісі Өзбекстанда да сезілді

13 февральға қараған түні Ауғанстан аумағында жер сілкінісі тіркелді. Бұл туралы Сейсмопрогностикалық мониторинг орталығы хабарлады.

Жергілікті уақыт бойынша сағат 03:12-де болған жер сілкінісі толқындары Өзбекстанның бірқатар аумақтарында да сезілгені айтылды. Атап айтқанда, Сұрхандария облысында 2-3 балл, Қашқадария облысында 2 балл жер сілкінісі тіркелді.

Жер сілкінісінің эпицентрі Ауғанстанның Вардак провинциясының аумағына тиесілі екені айтылды. Жер сілкінісінің магнитудасы 5,5-ке тең болып, ошақтың тереңдігі 100 шақырым екені айтылды.