Шанхайда ауқымды жер опырылысы болды

Қытайдың Шанхай қаласында ені шамамен 10-20 метр болатын жер опырылысы байқалды. Оқиға бірнеше секунд ішінде орын алып, жол бөліктері, құрылыс материалдары мен уақытша құрылыстар тереңге құлаған.

Мәліметтерге қарағанда, оқиғадан зардап шеккендер жоқ. Жүргізушілер мен жаяу жүргіншілер қауіпті аймақтан дер кезінде кетіп үлгерген, құрылыс алаңында жұмыс істеп жатқан қызметкерлер шұғыл түрде эвакуацияланған.

Алдын ала болжам бойынша, жер опырылуына метро құрылысы жұмыстары мен бір күн бұрын анықталған судың ағуы себеп болуы мүмкін.