Түркияда оқушы мектеп ішінде атыс ұйымдастырып, өзін-өзі өлтірді

Түркияда соңғы тәулікте мектептерге жасалған екінші қарулы шабуыл тіркелді. Бұл жолы оқиға Қахраманмараш ауданындағы орта мектепте болған.

Алдын ала мәлімет бойынша, шабуылды осы мектептің 8-сынып оқушысы жасаған. Оның жанынан бес тапанша табылғаны хабарланды. Ол әуеде мектеп ауласында оқ жаудырған, содан кейін ғимаратқа кіріп, оқ жаудыруды жалғастырған.

Кейінірек шабуылдаушы өз-өзіне қол жұмсағаны айтылды. Қаруды ол бұрынғы полиция қызметкері болған әкесінен алған болуы мүмкін деген болжам бар.

Облыс әкімі Мукаррам Унлюердің айтуынша, оқиға салдарынан 3 оқушы мен 1 мұғалім қаза тауып, тағы 20 адам жарақат алған.

Еске сала кетейік, бір күн бұрын Шонлыурфа облысының Сиверек ауданындағы лицейде де қарулы шабуыл болып, 18 адам жарақат алып, шабуылдаушы өз-өзіне қол салған болатын.