Газа қаласының Шейх-Радван ауданында ерекше әрі есте қаларлық үйлену тойы өтті. Күйеу жігіт қалыңдықты дәстүрлі көліктер керуенінің орнына тиегіш көлікпен (погрузчик) алып келіп, көпшіліктің назарын аударды.
Әдетте Газада жас жұбайлар тойға безендірілген көліктер кортежімен келеді. Алайда бұл жолы күйеу жігіт өз мамандығына адал болып, ерекше жолды таңдады. Белгілі болғандай, ол тиегіш көлік жүргізушісі болып жұмыс істейді және қалыңдықты тойға дәл осы техникамен алып келуді жөн көрген.
Видеоны түсірген Карам Абу Хассаниянның айтуынша, бұл идея күйеу жігіттің өз шешімі болған және салтанатқа ерекше көңіл-күй сыйлаған. Кадрларда қалыңдық пен күйеу жігіттің тиегіш көлік үстінде күлімсіреп отырғаны, ал айналасындағылардың оларды қуанышпен бақылап тұрғаны бейнеленген.
Бұл видео әлеуметтік желілерде тез таралып, қолданушылар арасында жылы лебіз тудырды. Көпшілік мұны қарапайымдылықтың, шынайылықтың және мамандыққа деген құрметтің белгісі деп бағалауда.
Бұл жағдай бақыт пен қуанышты көрсету үшін қымбат дәстүрлер емес, шынайылық пен шығармашылық маңызды екенін тағы бір мәрте дәлелдеді.
“Zamin”-ді Telegram-нан оқыңыз!
