Ресейде банкоматтар интернетсіз де жұмыс істей алады

Ресейде банкоматтар мен төлем терминалдарының мобильді интернетсіз де жұмыс істеуіне мүмкіндік беретін техникалық шешім әзірленді. Бұл туралы Орталық банк төрағасы Эльвира Набиуллина мәлімдеді.

Жаңа жүйе мобильді интернет шектелген немесе өшірілген жағдайларда да банк қызметтерінің үздіксіз жұмыс істеуін қамтамасыз етуге бағытталған. Қазіргі уақытта банктерді арнайы «ақ тізімге» енгізу мәселесі де талқылануда.

Қазіргі таңда бұл тізімге «ВТБ», «Альфа-Банк», «ПСБ», «МТС Банк» және «Газпромбанк» енгізілген. Процесс кезең-кезеңімен жүзеге асырылып, алдымен ірі банктер қамтылады.

Бұған дейін Мәскеу тұрғындары интернеттегі ақауларға байланысты банкоматтар мен терминалдардың істен шығып жатқанына шағымданған болатын.