Душтағы бактериялар өкпе ауруына себеп болады

Ғалымдар душтың бас бөлігінде миллиондаған бактерия жиналатынын анықтады. Бұл микробтар сумен бірге бетке шашырауы мүмкін.

Бактериялар душ шлангының ішінде «биофильм» деп аталатын қабат түзеді. Олар судан және пластиктен бөлінген заттармен қоректенеді.

Кейбір душтарда өкпе ауруын тудыратын Legionella бактериясы да табылған. Олар әсіресе иммунитеті әлсіз адамдар үшін қауіпті.

Мамандар душты жиі пайдаланып, тазартып тұруды, сондай-ақ ұзақ уақыт қолданылмаған душты қосар алдында суды бірнеше минут ағызуды ұсынады.