Пластик ыдыстағы суды күн астында қалдыру қауіпті ме?

Көпшілік көлікте немесе ашық жерде қалған пластик бөтелкедегі суды іше береді. Алайда мамандар пластик бөтелкелерді күн астында ұзақ уақыт қалдыру денсаулыққа қауіп төндіруі мүмкін екенін айтады.

Жоғары температураның әсерінен пластик құрамындағы кейбір химиялық заттар суға бөлінуі мүмкін. Әсіресе сапасыз немесе бір реттік пластик ыдыстар жоғары температурада зиянды заттарды көбірек бөлетіні айтылады.

Сонымен қатар, күн астында ұзақ тұрған суда бактериялар тез көбеюі мүмкін. Бұл асқазан-ішек жолдарына байланысты мәселелердің туындау қаупін арттырады.

Мамандар пластик бөтелкедегі суды салқын жерде сақтауға кеңес береді. Ыстықта ұзақ тұрған немесе дәмі өзгерген суды ішпеу керектігі ескертіледі.