Қандай өнімдер стрессті азайтуға көмектеседі?

Стресс — қазіргі өмірдің ең жиі кездесетін мәселелерінің бірі. Мамандар дұрыс тамақтану жүйке жүйесін тыныштандыруға және психикалық жағдайды жақсартуға көмектесетінін айтады.

Дәрігерлер әсіресе магнийге бай өнімдерді тұтынуға кеңес береді. Жаңғақ, бадам, банан және шпинат сияқты өнімдер ағзадағы стресс гормондарын азайтуға көмектеседі.

Балық өнімдері де өте пайдалы. Лосось, скумбрия және сардина сияқты омега-3-ке бай балықтар ми қызметін қолдап, мазасыздық сезімін азайтуға көмектесе алады.

Сондай-ақ, қара шоколад та көңіл-күйді көтеретін өнімдердің бірі ретінде аталады. Мамандардың айтуынша, мөлшерімен тұтынылған қара шоколад ағзада «бақыт гормоны» деп аталатын серотониннің бөлінуіне көмектеседі.