Ташкентте “Энерго Саудо” қызметкері парамен ұсталды

Бас прокуратура жанындағы Департаменттің баспасөз қызметінің хабарлауынша, “Энерго Савдо” кәсіпорнының қызметкері қолға түсті. Бас прокуратура жанындағы Департаменттің Яккасарай ауданы басқармасының қызметкерлері ішкі істер органдары қызметкерлерімен бірлесіп арнайы жедел шара өткізген.

Шара барысында “Энерго Савдо”-ның Яккасарай ауданы бөлімінің қызметкері 25 миллион сум пара алып жатқан кезде қолға түскен. Ол бұл қаражатқа қонақүй ғимаратының электр желісіне заңсыз қосылу бойынша акт жасамауға уәде берген.

Сондай-ақ, тергеуалды тексеру барысында аталған қызметкер қонақүй басшысы тарапынан аванс ретінде берілген тағы 10 миллион сумды бұрын алғаны анықталды. Ол қонақүйге 70 миллион сум айыппұл салып, соның 50 пайызын өзіне талап еткен.

Анықталған құқық бұзушылықты ол ұялы телефоны арқылы видеоға түсірген. Осы жағдай бойынша Өзбекстан Республикасы Қылмыстық кодексінің мемлекеттік органдардың, мемлекеттік қатысатын ұйымдардың немесе азаматтардың өзін-өзі басқару органдары қызметкерінің материалдық байлықтарды немесе қаржылық пайданы заңсыз алуы туралы бабына сәйкес қылмыстық іс қозғалды.