Нөкісте ТЖМ құтқарушылары арнадан адамды құтқарды

Бүгін, 17 февраль күні сағат 08:20-да Нөкіс қаласының орталығынан ағып өтетін "Достық" каналының аумағында бір азаматтың суға батып бара жатқаны туралы, осы жерден өтіп бара жатқан жолаушы Өзбекстан Республикасы Төтенше жағдайлар министрлігінің кезекші бөліміне хабарланған.

Ақпаратқа қарағанда, оқиға Қарақалпақстан Республикасының аумағында болған. Алынған хабар негізінде сүңгуір-құтқарушылар дереу көрсетілген мекенжайға жетіп, суға түсіп кеткен азаматты қауіпті жағдайдан алып шықты.

Құтқарушылар жәбірленушіге алғашқы медициналық көмек көрсетіп, оның өмірін сақтап қалды. Кейін азамат жедел жәрдем қызметкерлеріне тапсырылды.