Әнші Даврон Ахмедов өз туған күніне орай ең жақын жандарының бірі — әкесіне қымбат сыйлық жасады. Өнер иесі әкесіне жаңа автокөлік сыйлап, көпшіліктің назарын аударды.
Бұл қуанышты сәттермен әртіс әлеуметтік желіде бөлісті. Бейнежазбаларда отбасылық шынайы орта, қуаныш пен алғыс сезімі көрініс тапқан.
Желі қолданушылары бұл көріністерді жылы лебіздермен қабыл алды.
Өнер иесінің бұл әрекеті жанкүйерлер тарапынан ата-анаға деген құрмет пен ілтипаттың белгісі ретінде бағаланды. Көпшілік Даврон Ахмедовтің мұндай сыйлығын өнегелі және үлгілі бастама деп атауда.
Айта кетейік, Даврон Ахмедов өз шығармашылығымен және сахнадағы қызметімен тыңдармандар арасында кеңінен танымал әртістердің бірі. Оның өнер көрсетуі мен шығармашылық жобалары әлеуметтік желілерде де үнемі талқыланып тұрады.
