Науаи облысының Хатырчи ауданында орналасқан "N.S.2020" ЖШҚ-ға қарасты дүкен иесі қарапайым сауда барысында 20 мың сумдық бұрышқа чек соғудың орнына 2 миллиард сумдық чек шығарған.
Түсініспеушіліктің салдарынан кәсіпкер үлкен салық қарызымен бетпе-бет келді. Ол қателікті түзету үшін чекті жоюды сұрап, салық басқармасына жүгінген, бірақ оған "жүйедегі мәліметтер түзетілмейді" деп жауап берген.
Мәселе шешілмеген соң, іс Хатырчи аудандық әділет бөлімі тарапынан сотқа берілді. Өтініште Науаи облыстық салық басқармасының 2025 жылғы 17 апрельдегі қаулысы - чекті түзетпеу әрекеті заңға қайшы екені көрсетілген.
Нәтижесінде Науаи ауданаралық әкімшілік соты салық басқармасы лауазымды тұлғаларының әрекетін заңға қайшы деп танып, кәсіпкердің пайдасына шешім шығарды.
“Zamin”-ді Telegram-нан оқыңыз!
