"Узбекнефтгаз" АҚ қарамағындағы бес ұңғымадан өнеркәсіптік ауқымда табиғи газ ағыны алынды, деп хабарлады компанияның баспасөз қызметі.
Айта кетейік, Қарақалпақстан аумағында жаңа, жоғары қысымды газ кен орны анықталған. Сонымен қатар, Қашқадария облысында үш, Бұхара облысында бір ұңғымадан да өнеркәсіптік маңызы бар газ ағыны тіркелген.
Қазіргі таңда бұл ұңғымаларда газдың дебиті, яғни тәуліктік көлемі мен құрамын анықтау бойынша тексеру жұмыстары жүргізілуде. Мамандар нәтижелерге сүйене отырып, алдағы жұмыс жоспарларын белгілейтіні айтылады.
Компанияның айтуынша, ұңғымаларды қайта жөндеу жұмыстары да нәтиже беруде. Атап айтқанда, Үстірт аумағында орналасқан және бұрын қорлары таусылған деп бағаланған Солтүстік Бердақ кен орнының No7 ұңғымасы жөндеуден кейін қайта іске қосылды.
Нәтижесінде бұл ұңғымадан тағы да өнеркәсіптік ауқымда табиғи газ өндіруге қол жеткізілді. "Узбекнефтгаз" мұндай іс-шаралар өндіру мүмкіндіктерін кеңейтуге қызмет ететінін атап өтті.
“Zamin”-ді Telegram-нан оқыңыз!
