Қоқысқа қатысты мыңдаған ереже бұзушылықтар тіркелді

2026 жылдың алғашқы үш айында республика бойынша қоқысқа қатысты барлығы 2 107 заңбұзушылық анықталды. Бұл туралы Қалдықтарды басқару және циркулярлық экономиканы дамыту агенттігі хабарлады.

Мәліметтерге сәйкес, анықталған жағдайлардың 322-сі бойынша әкімшілік жауапкершілік қолданылып, тиісті айыппұлдар өндірілді. Қалған 1 785 бұзушылық бойынша заңнамада белгіленген тәртіппен шаралар қабылдануда.

Сондай-ақ, республика аумақтары бойынша 700-ге жуық онлайн бақылау камералары орнатылған, олар қоқыс тастау ережелерін бұзу жағдайларын анықтаумен қатар, басқа да экологиялық бұзушылықтарды тіркеуге мүмкіндік береді.