Өзбекстан Ішкі істер министрлігінің бұрынғы орынбасары, бюджет қаражатын ірі көлемде жымқыру ісі бойынша күдікті Бекмурод Абдуллаев босатылғаны белгілі болды.
Kun.uz дереккөзінің мәліметінше, ол іс аясында келтірілген 200 миллиард сумнан астам шығынды қолма-қол ақша түрінде өтегеннен кейін, оған қатысты қолданылған күзетпен ұстау шарасы кепілдікпен алмастырылды.
Мәліметтерге сәйкес, генерал-майор шені бар Абдуллаев әртүрлі жылдары Қорғаныс министрлігінде, Ішкі істер министрлігінде және Ұлттық гвардия жүйесінде жауапты лауазымдарда қызмет еткен. 2021 жылдың сәуірінде ол Ішкі істер министрінің орынбасары болып тағайындалған болатын.
2025 жылдың қарашасында оның лауазымынан босатылғаны туралы хабар тарады. 2026 жылдың қаңтарында Абдуллаев пен Жазаларды атқару департаментінің бұрынғы басшысы Рустам Турсуновқа қатысты қылмыстық іс қозғалғаны хабарланды. Олар мемлекеттік сатып алу жүйесіндегі ірі қаржылық құқық бұзушылықтарда күдікті деп танылып, тұқымдалған еді.
Ресми мәліметтер бойынша, бұл іс аясында мемлекеттік бюджетке 186 миллиард сум шамасында шығын келтірілгені президенттің қатысуымен өткен бейнеселекторлық жиналыста да расталған.
Қазіргі уақытта Рустам Турсунов күзетте сақталуда. Ал Абдуллаев бойынша күзет шарасы кепілдікке өзгертіліп, ол тергеу процесіне бостандықта бола тұрып қатысуда.
“Zamin”-ді Telegram-нан оқыңыз!
