Науаи облысының Нурата ауданында қайғылы оқиғамен аяқталған жол-көлік оқиғасы орын алды. Алдын ала мәліметтер бойынша, отбасылық балабақша басшысы 13 баланы Matiz көлігімен балабақшаға апара жатқан кезде апатқа ұшыраған.
Оқиға салдарынан көлікті басқарған әйел сол жерде көз жұмды. Көліктегі балалардың бірі ауыр халде комаға түсті, тағы 8-і әртүрлі дәрежедегі жарақаттармен облыстық ауруханаға жеткізілді. Қалған балалардың жағдайы бойынша қосымша ақпарат нақтылануда.
Аталған әйел мен оның жұбайы ұзақ уақыт бойы жүргізуші куәлігінсіз көлік жүргізіп келгені хабарланды. Бұл жайт оқиғаға қатысты күрделі сұрақтар туындатуда.
Құзырлы органдар оқиғаның себептерін тексеруде. Алдын ала болжам бойынша, жол қозғалысы ережелерінің сақталмауы және қауіпсіздік шараларының жеткіліксіздігі қайғылы оқиғаның негізгі себептері болуы мүмкін.
