Өзбекстанда 12 балл жинаған жүргізушілерге қандай шара қолданылады?

Өзбекстанда енгізілген айыппұл балдары жүйесі аясында 12 балдан асырған жүргізушілер саны 49-ға жетті. Мәлім етілгендей, аталған жүргізушілерге қатысты материалдар сотқа жіберілді.

Сонымен қатар, тағы 132 жүргізушінің айыппұл балдары 8-ден асқаны тіркелді. Естеріңізге сала кетейік, елде айыппұл балдары жүйесі 2025 жылдың 1 маусымынан бастап іске қосылған.

Оған сәйкес, қызыл бағдаршамға өту, қарсы бағытқа шығу, жылдамдықты асыру және тоқтау ережелерін бұзу сияқты жағдайлар үшін жүргізушілерге арнайы балдар жазылады.

Ережелерге сәйкес, жүргізуші 8 бал жинағанда оған SMS арқылы ескерту жіберіледі. Егер айыппұл балдары 12-ден асып кетсе, жүргізу құқығы сот шешімімен жойылуы мүмкін.

Мамандар жүргізушілерді жол қозғалысы ережелерін қатаң сақтауға шақыруда.