Құмар ойынның соңы — өлім! UFC жауынгеріне бәс тіккен екі ер адам өз-өзіне қол жұмсады

Әлеуметтік желілерде UFC жекпе-жегінен кейінгі спорттық бәс тігуге байланысты қайғылы оқиға туралы хабарламалар тарады. Онда Хамзат Чимаев қатысқан жекпе-жек нәтижесіне қомақты қаржы тіккен екі өзбекстандық ер адамның ауыр қаржылық шығыннан кейін өз-өзіне қол жұмсағаны айтылған.

Тарап жатқан ақпаратта олардың несие алып, үйдегі бар қаражаттарын да спорттық бәс тігуге жұмсағаны айтылады. Сондай-ақ, жаназалары шығарылғаны туралы да хабарлар пайда болды. Алайда, қазіргі уақытта бұл оқиға бойынша ресми органдар тарапынан расталған ақпарат берілген жоқ.

Бұл хабарламалар әлеуметтік желі қолданушылары арасында қызу талқыға түсті. Көпшілік спорттық бәс тігу мен құмар ойынға тәуелділіктің жағымсыз зардаптары туралы пікір білдіруде. Мамандар қаржылық тәуекелдер мен эмоциялық шешімдердің адам өміріне ауыр әсер етуі мүмкін екенін ескертеді.