Özbekstan prezidentiniñ bastamasımen bïl 100 otandas «Prezident qajısı» retinde qajılıq saparına tegin jiberilude. Bul ïgili bastama elimizde köp jıldar boyı halıqqa, qoğamğa jäne türli salalardıñ damuına şın köñilmen qızmet etken jandarğa degen ülken qurmet pen nazardıñ belgisi retinde bağalanuda.
Mälim etilgendey, qajılıq saparına arnalğan tegin joldamalar jer-jerlerde saltanatlı türde öz ïelerine tabıstaluda. Bul turalı «Özbekstan 24» telearnası habarladı. Joldama alğandar arasında qarapayım eñbekkerlerden bastap, ğılım, medicina, qızmet körsetu jäne diniy sala ökilderine deyin bar ekendigi erekşe atap ötildi.
Özbekstan Musılmandarı basqarması törağasınıñ birinşi orınbasarı Homidjon İşmetbekovtıñ aytuınşa, bul tizimge ömirin otan men halıq qızmetine arnağan, layıqtı dep tabılğan jandar engizilgen. Onıñ sözine qarağanda, bul oqiğa Özbekstan tarihında erekşe mañızğa ïe.
«Elimiz, halqımız üşin qızmet etip ömirin ötkizgen, layıqtı jandardan 100 adamdı qurmetti elbasımız bïl qajılıq saparına jiberip jatır. Özbekstan Özbekstan bolğalı mınday oqiğanı körgen emes», — dedi Homidjon İşmetbekov.
Ol sonımen qatar, qajılıqqa tegin joldama alğandar arasında qoğamnıñ türli qatlam ökilderi bar ekendigin atap ötti. Qarapayım tazalıqşı, qızmetker, ğalım, däreger jäne auır kezeñderde diniy salada eñbek etken jandardıñ jaqındarı da osı saparğa attanıp jatqanı aytıldı.
Bul jayıt bastamanıñ ruhanï mañızın odan sayın arttıra tüsed. Öytkeni qajılıq saparı köptegen musılmandar üşin ömirlik arman, jürekte saqtalatın ülken nïet sanaladı. Mınday mümkindiktiñ halıq qızmetinde bolğan jandarğa usınıluı olardıñ eñbegin, sabırı men janqïyarlıqtarınıñ bağalanıp jatqanın körsetedi.
Eske sala keteyik, ağımdağı jılı Özbekstannan 15 mıñ zïyaratşı qajılıq saparına attanuda. 2 mamırdan 18 mamırğa deyin elimizdegı 9 äuejaydan Madïna qalasına usıtar jüzege asırıluda.
Mälimet üşin, bïl qajılıq saparınıñ qunı 77 mïllïon som dep belgilengen. Osı turğıdan alğanda, 100 otandastıñ «Prezident qajısı» retinde tegin jiberilui olar men otbasıları üşin ülken quanış, ruhanï qoldau jäne umıtılmas oqiğa bolatını şüäsiz.
Qısqası, bul bastama halıqqa qızmet etken jandardı ardaqtau, olardıñ köp jılğı eñbegin bağalau jäne ïgi armandarın orındau jılındağı mañızdı qadam boldı. Qajılıqqa attanıp jatqan otandastarımızdıñ ïbadattarı qabıl, saparları qayırlı jäne estelikteri nurlı boluın tileymiz.
“Zamin”-ді Telegram-нан оқыңыз!
