Роналду 969-голын соғып, «Аль-Насрды» жартылай финалға алып шықты

«Аль-Наср» клубы Азия Чемпиондар лигасы турнирінің ширек финалында «Аль-Васл» командасын 4:0 есебімен жеңді. Бұл жеңіс Сауд Арабиясы өкілдеріне турнирдің жартылай финалына жолдама берді. Бұл туралы Goal.com хабар береді.

Кездесудің 11-минутында Криштиану Роналду Наваф Бушальдың пасын пайдаланып, есепті ашты. Бұл португалдық шабуылшының кәсіби мансабындағы 969-голы болды. 41 жастағы футболшы бұл ойында 67 минут алаңда болды және 3 дәл соққы жасады.

Кейінірек Жоау Феликстің әрекеті арқылы Иниго Мартинес пен Абдулелах Аль-Амри голдар соқты. Қорытынды есепті 80-минутта Садио Мане белгіледі. «Аль-Наср» шабуылдағы басымдығын көрсетіп, қарсылас қорғанысындағы қателіктерді тиімді пайдаланды.

Қазіргі уақытта «Аль-Наср» Сауд Про-лигасы кестесінде 29 ойында 76 ұпай жинап, бірінші орынды иеленіп тұр. Команданың екінші орындағы «Аль-Хилялдан» 8 ұпай басымдығы бар.

Роналду ағымгі маусымда 30 кездесуде 26 гол соғып, 4 голдық пас берді. Ол 2026 жылғы Әлем чемпионаты алдында өз формасын жоғары деңгейде сақтауға тырысуда.