Sora қосымшасы алғашқы аптада ChatGPT рекордын жаңартты

OpenAI компаниясының Sora қосымшасы жүктеу саны бойынша ChatGPT-ден озып кетті. Appfigures дерегіне сәйкес, бұл қосымша соңғы 7 күнде 627 мың рет жүктелген, ал ChatGPT сол уақытта 606 мың рет орнатылған деп хабарлайды Rozetked.me сайты.

Сонымен қатар, Sora әзірге тек App Store-да АҚШ пен Канада аймақтары үшін қолжетімді және оған кіру тек шақырту арқылы жүзеге асады — яғни пайдаланушыларға шектеулі шақырулар жіберіледі.

Бірінші күні Sora 55 600 рет жүктелген, бұл көрсеткіш ChatGPT мен Google Gemini-дің алғашқы күн көрсеткіштерінен төмен (тиісінше 81 000 және 80 000 рет).

OpenAI Sora қосымшасын бейне жасау моделі Sora 2-мен бірге ұсынған еді. Қосымшаның негізгі функциясы — пайдаланушылардың жасаған видеоларын әлеуметтік желі форматында бөлісу мүмкіндігі.