Санкт-Петербургте 5-9 мамыр аралығында мобильді интернет шектеледі

Санкт-Петербург қаласында Мәскеуден кейін мобильді интернетке қолжетімділік уақытша шектеледі. Бұл шектеулер 5 мамырдан 9 мамырға дейін қолданылады.

Бұл туралы Ixbt.com хабарлайды.

Ұялы байланыс операторлары алдағы шаралар туралы абоненттерді SMS арқылы ескерте бастады. Пайдаланушыларға Wi-Fi желісін қолдану ұсынылады.

Шектеулер кезеңінде дауыстық байланыс қызметтері қалыпты режимде жұмыс істей береді. Бұған дейін Мәскеу тұрғындарына да осындай уақытша шектеулер туралы ескертілген болатын.