Samsung компаниясы Үндістанда «Certified Re-Newed» бағдарламасын іске қосты. Бұл бастама аясында пайдаланушыларға зауыттық жағдайда қалпына келтірілген және ресми кепілдігі бар смартфондар ұсынылады. Бұл туралы Ixbt.com хабарлайды .
Құрылғылар сатылымға шықпас бұрын Samsung-тың сертификатталған кәсіпорындарында мұқият тексеріледі. Мамандар смартфондарды тазалау, диагностикалау және ақаулы бөлшектерін тек түпнұсқа қосалқы бөлшектермен ауыстыру жұмыстарын жүргізеді.
Бағдарлама аясында Galaxy S25 Ultra, Galaxy S25, Galaxy A56 және Galaxy A36 модельдері қолжетімді. Мысалы, 256 ГБ Galaxy S25 Ultra шамамен 1072 доллар, ал Galaxy A36 шамамен 256 долларға бағаланған.
Әрбір смартфон жаңа бағдарламалық жасақтамамен және бір жылдық ресми кепілдікпен қамтамасыз етіледі. Жинақ құрамына түпнұсқа қорап, зарядтау кабелі және SIM-картаға арналған арнайы құрал кіреді.
Қалпына келтірілген құрылғылар ешқандай операторға байланбаған күйде сатылады және кез келген мобильді байланыс желісінде еркін жұмыс істейді.
“Zamin”-ді Telegram-нан оқыңыз!
