Узбекистанда шетелдіктер үшін жаңа салық режимі енгізіледі, деп Uznews хабарлады.
Президент жарлығына сәйкес, 2026 жылдың 1 қаңтарынан бастап шетел азаматтары үшін жаңа салық режимін енгізу белгіленді. Соған сәйкес, Узбекистаннан тыс жерлерде алынатын кірістер жеке табыс салығынан босатылады.
Бұл жеңілдікті пайдалану үшін екі шартты сақтау талап етіледі:
— арнайы төлем төленуі керек ($50 мың);
— Узбекистандағы уәкілетті коммерциялық банкінде есепшот немесе криптобиржада криптосақтау шоты ашылуы тиіс.
Сондай-ақ, жарлықта атап өтілгеніндей, егер жеке тұлға 12 ай ішінде 30 күннен артық Узбекистанда болған және елде жылжымайтын мүлікке иелік етсе немесе жалға алған болса, ол салық резиденті болып есептеледі.
Аталған шаралар тікелей шетелдік инвестицияларды тарту және шетелдіктер үшін қолайлы орта құру мақсатында қабылданған.
“Zamin”-ді Telegram-нан оқыңыз!
