13 қазан күні сағат 09:00-де Ташкент қаласында ауадағы PM2.5 бөлшектерінің мөлшері қалыпты деңгейден күрт асқан. Автоматты мониторинг станцияларының мәліметіне сәйкес, олардың концентрациясы 88,37 мкг/м³ болып, бұл СЭС 0053-23 нормасынан 2,5 есе көп.
Сонымен қатар, PM10 бөлшектері қалыпты деңгейде (281,4 мкг/м³), сондай-ақ автокөлік пен өнеркәсіп орындарынан бөлінетін көміртек тотығы да қауіпсіз мөлшерде (0,49 мг/м³) екені көрсетілген, деп хабарлайды Upl.uz сайты.
IQAir халықаралық экологиялық сайтының дерегіне сәйкес, Ташкент әлемдегі ауасы ең ластанған қалалар тізімінде төртінші орынға ие болды, оның ластану индексі 162 пунктті құраған — бұл денсаулыққа зиянды деңгей ретінде бағаланады.
Рейтингте Ташкенттен бұрын төмендегі қалалар орын алған:
* Дели (Үндістан)
* Лахор (Пәкістан)
* Бағдад (Ирак)
Мамандардың айтуынша, биыл Ташкентте ауа сапасы суық мезгіл жетпей жатып нашарлаған, ал алдыңғы жылдары мұндай жағдай әдетте күздің соңында байқалатын.
“Zamin”-ді Telegram-нан оқыңыз!
