Ташкент қаласының кейбір аймақтарында тұрғындар ыстық судың түсінің өзгергені — яғни, тот түстес болып ағатыны туралы шағымдануда, деп хабарлады “Veolia Energy Tashkent” компаниясы.
Мамандардың айтуынша, бұл жағдай уақытша сипатта болып, жылыту маусымы басталар алдында құбыр желілерін тексеру жұмыстарына байланысты. Жүйедегі су айналымы қалпына келтіріліп жатқандықтан, су қысқа уақытқа қоңырлау реңкке енуі мүмкін.
Тексеру барысында кейбір тұрғын үйлерде су ағымы кері құбыр арқылы берілгені анықталған. Бұл судың температурасының төмендеуіне және құрамында темір бөлшектерінің шығуына себеп болған.
Қазіргі уақытта компания басқарушы ұйымдармен бірлесе отырып, құбырларды тазарту және техникалық суды шығару жұмыстарын жүргізіп жатыр.
Сонымен қатар, “Veolia Energy Tashkent” су сапасы сыртқы себептерге байланысты нашарлаған жағдайда тұтынушыларға төлемдер қайта есептелетінін хабарлады.
Мамандардың айтуынша, бұл техникалық үдеріс болып, жақын уақытта судың сапасы қалыпты деңгейге келуі күтілуде.
“Zamin”-ді Telegram-нан оқыңыз!
