Өзбекстанда 2026 жылдың 1 қаңтарынан бастап тұрмыстық қалдықтарды шығару қызметтері үшін төлемдер тек онлайн түрде жүзеге асырылады, деп хабарлады Қалдықтарды басқару агенттігі.
Жаңа тәртіп жеке және заңды тұлғаларды қамтиды және ел бойынша санитарлық кәсіпорындар арқылы енгізіледі.
Агенттіктің мәліметінше, бұл реформа халыққа ыңғайлы төлем мүмкіндіктерін жасауға, есеп айырысуда ашықтықты қамтамасыз етуге және сыбайлас жемқорлықтың алдын алуға бағытталған.
Енді қалдық шығару қызметтеріне төлемдер “Тоза макон” биллинг жүйесі немесе электрондық төлем платформалары арқылы жүргізіледі. Интернет байланысы жоқ аймақтарда төлемдер коммерциялық банктердің кассалары мен “Өзбекстан поштасы” бөлімшелері арқылы жүзеге асырылады.
Сонымен қатар, қоқыс қызметі үшін қарыз болған жағдайда, қарыз толық өтелмейінше электр энергиясына төлемдерді қабылдау уақытша тоқтатылатыны ескертілді.
Мамандардың айтуынша, жүйе толық іске қосылғаннан кейін қалдықтарды жинау мен төлемдерге қатысты барлық ақпарат бірыңғай онлайн база арқылы бақыланады.
“Zamin”-ді Telegram-нан оқыңыз!
