Өзбекстанда беделді өзбек-француз университеті ашылады

Президенттің шешіміне сәйкес, Өзбекстанда жаңа — Өзбек–Француз университеті құрылуда. Оқу орны өз қызметін ұлттық заңнама және Франция университеттері консорциумының ұсыныстары негізінде жүзеге асырады.

Алдымен магистратура бағыттары ашылады, кейін кезең-кезеңімен бакалавриат және докторантура іске қосылады. Талапкерлер үшін арнайы дайындық курсы да енгізіледі.

Оқыту мемлекеттік гранттар және төлем–контракт негізінде жүзеге асырылады. Түлектерге Өзбек–Француз университетінің дипломы немесе консорциум құрамына кіретін тиісті француз жоғары оқу орнының Францияда аккредитациядан өткен білім беру бағдарламалары бойынша дипломы беріледі.

Ең маңыздысы — бұл дипломдар Өзбекстан аумағында ресми түрде танылады.