Өзбекстан қай елдерден ең көп өнім импорттады?

Өзбекстан 2025 жылдың қаңтар–қазан айларында сыртқы нарықтан 37,5 млрд доллар көлемінде өнім мен қызмет сатып алды. Ұлттық статистика комитетінің деректеріне қарағанда, импорт көлемі өткен жылмен салыстырғанда 16,9 пайызға өсті.

Аталған кезеңде республика 177 мемлекетпен импорттық операциялар жүргізген. Ең көп өнім сатып алынған елдер қатарында Қытай мен Ресей тұрақты түрде алғашқы орындарда тұр.

Импорт бойынша алғашқы 10 серіктес:

• Қытай — 11,5 млрд доллар
  Ресей — 7 млрд доллар
  Қазақстан — 2,7 млрд доллар
  Түркия — 1,5 млрд доллар
  Корея Республикасы — 1,4 млрд доллар
  Германия — 953,9 млн доллар
  Үндістан — 941,7 млн доллар
  Түрікменстан — 753,2 млн доллар
  Беларусь — 632,5 млн доллар
  АҚШ — 614,4 млн доллар

Қалған мемлекеттердің үлесі 9,6 млрд долларды құраған.