Өзбекстан Дүниежүзілік банктің Мемлекеттік технологиялар жетілу индексі — GovTech Maturity Index (GTMI) 2025 жылғы нәтижелері бойынша 9-орынды иеленді, деп хабарлайды digital.uz.
2020 жылмен салыстырғанда ел 71 сатыға жоғарылап, индекс көрсеткішін 0,617-ден 0,958-ге дейін арттыруға қол жеткізді. Нәтижесінде Өзбекстан “GovTech жоғары жетілуі” А санатындағы позициясын нығайтты.
Индекс мемлекеттік басқарудағы цифрлық трансформация деңгейін төрт негізгі бағыт бойынша бағалайды. Олардың қатарына базалық мемлекеттік жүйелер, онлайн мемлекеттік қызметтер, азаматтардың цифрлық қатысуы және GovTech дамуын қолдайтын факторлар кіреді.
2025 жылдың қорытындысы бойынша, Өзбекстан Орталық Азияда 1-орынды иеленіп, Оңтүстік Корея, Австралия, Үндістан және Канадамен бірге дүниежүзінің ТОП-10 мемлекеттері қатарына енді.
«Меҳмон» тобындағы келушілер бұл жарияланымға пікір қалдыра алмайды.
