23 сәуір күні Өзбекстан Президенті Шавкат Мирзиёев Ташкент қаласының Мирзо Ұлықбек ауданына барды. Сапар барысында мемлекет басшысының алғашқы еңбек жолына байланысты қызықты жәйттер де белгілі болды.
Атап айтқанда, Президенттің 1992–1996 жылдары осы ауданның әкімі болған кезінде пайдаланған қызметтік автокөлігі — «Волга» маркалы машинасы көпшілікке көрсетілді. Қазіргі уақытта бұл автокөлік тарихи экспонат ретінде ұқыпты сақталып тұр.
Сонымен қатар, сол жылдардағы жұмыс барысынан хабар беретін тарихи қызметтік кабинеттің де қайта қалпына келтірілгені назар аудартты. Бұл сапар барысында өткен күн мен бүгінгінің арасындағы сабақтастықты айқын көрсеткендей болды.
Мемлекет басшысы сапар аясында аудан әкімдігінің қызметімен, өңірде жүзеге асырылып жатқан құрылыс және абаттандыру жұмыстарымен, сондай-ақ инфрақұрылымды дамыту бойынша жүргізіліп жатқан жобалармен де жақыннан танысуда.
