Мойнақта жоғары қысымды жаңа газ ұңғымасы анықталды

Қарақалпақстанның Мойнақ ауданында орналасқан No2 іздеу-іздестіру ұңғымасынан жоғары қысымды, өнеркәсіптік деңгейде өндірілетін табиғи газ ағыны тіркелді. Бұл туралы "Узбекнефтгаз" баспасөз қызметі хабарлады.

Белгілі болғандай, "Узбекнефтгаз" АҚ құрамындағы "Узнефтгаз бургилаш ишлари" ЖШҚ-ның тәжірибелі жергілікті мамандары заманалық шетелдік технологиялар көмегімен ұңғыманы 90 күн бойы бұрғылаған. Жобадағы жалпы тереңдігі 5 мың метр болатын бұл нүктеден қазір тәулігіне 2,4 миллион текше метр табиғи газ алынуда.

Қазіргі уақытта аудандағы басқа да перспективалы терең ұңғымаларда да күндіз-түні бұрғылау жұмыстары жалғасуда. Мамандар жыл соңына дейін бұл ұңғымалардан да жоғары қысымды газ ағыны алынуы мүмкін екенін айтады.