Өзбекстанда кім қанша табады?

Өзбекстанда тіс дәрігерлерінің орташа жалақысы 1 500 000-нан 20 000 000 сомға дейін, дүкен сатушыларынікі орташа 350 000-нан 1 500 000 сомға дейін..

Instagram-да Өзбекстанда тұратын түрлі мамандық иелерінің жалақысы мен табысын таныстыратын @oylik парақшасы іске қосылды деп хабарлайды Qalampir.uz басылымы. Әкімшілер айтуынша, бұл парақша жұмыс іздеушілерге үлкен қолайлық жасайды.

@oylik деректері бойынша тіс дәрігерлерінің орташа жалақысы 1 500 000 сомнан басталып, ең көбі 20 000 000-ға жетеді. Дүкен сатушылары орташа 350 000-нан 1 500 000 сомға дейін алады, ал дәріхана сатушылары тәжірибе жинағанға дейін шамамен 500 000 сом, кейін жалақысы 2 000 000-ға жетеді.

Сондай-ақ парақшада табысы жиі талқыланатын мамандық — әншілердің кірісі де берілген. @oylik мәліметінше, әншілер ән, клип және басқа қойылымдарды есептемегенде айына орта есеппен 1000 АҚШ доллары табады.