Совет ва Россия телевидениесининг машҳур бошловчиси Юрий Николаев 77 ёшида оламдан ўтди. Бу ҳақда А.Я.
Ваганова номидаги Рус балет академияси ректори Николай Цискаридзе ўзининг Telegram-каналида хабар берди. Маш, Shot ва РЕН ТВ маълумотларига кўра, 4-ноябрь куни эрталаб уйнинг ичида Юрий Николаевнинг аҳволи оғирлашган.
Шундан сўнг у шифохонага етказилган, аммо шифокорлар унинг ҳаётини сақлаб қола олишмаган. ОАВ хабарларига кўра, у оғир ўпка касаллигидан азият чекаётган эди.
Юрий Николаев совет телевидениесининг энг таниқли юзларидан бири бўлган. У "Эрталабки почта", "Эрталабки юлдуз" ва "Республика мероси" каби машҳур дастурларни олиб борган.
Россиянинг халқ артисти бўлган Николаев телевидениеда 50 йилдан ортиқ ишлаган ва бутун бир даврнинг рамзига айланган.
