GM Uzbekistan Qozogʻistonga avtomobillarning dastlabki partiyasini eksport qildi

  • 17 mart 2019, 18:10
  • 2 893
  • Avto
  • GM Uzbekistan Qozogʻistonga avtomobillarning dastlabki partiyasini eksport qildi
    16 mart kuni GM Uzbekistan avtomobillarning dastlabki partiyasini Qozogʻistonga eksport qildi. Bu haqda “Oʻzavtosanoat” xabar bermoqda.

    Kompaniya Qozogʻistonning Kostanay shahridagi “SariarkaAvtoProm” zavodiga Nexia R3 avtomobillarini yirik uzelli yigʻish uchun SKD holida hamda “Ravon Motors Qozogʻiston”ga R4 modelidagi avtomobillarini tayyor holida eksport qiladi.

    “Bundan tashqari joriy yil boshidan buyon kompaniya tomonidan Afgʻoniston va Tojikiston respublikalariga avtomobillar eksporti amalga oshirildi”, — deyiladi rasmiy axborotda.

    Maʼlum qilinishicha, GM Uzbekistan aksiyadorlik jamiyati 2019 yilni faoliyatida eksport salohiyatini oshirish yili deb eʼlon qilgan.

    Avvalroq, avtomobil eksporti tushumi yanvar oyida chet elga 200 ming dollarni tashkil etgan maʼlum qilingandi. Bu 2018 yil yanvariga nisbatan 98 foizga kam.

    » » GM Uzbekistan Qozogʻistonga avtomobillarning dastlabki partiyasini eksport qildi