18:10 / 17.03.2019
5 559

GM Uzbekistan​ Қозоғистонга автомобилларнинг дастлабки партиясини экспорт​ қилди

GM Uzbekistan​ Қозоғистонга автомобилларнинг дастлабки партиясини экспорт​ қилди
16 март куни GM Uzbekistan автомобилларнинг дастлабки партиясини Қозоғистонга экспорт қилди. Бу ҳақда «Ўзавтосаноат»​ хабар бермоқда.

Компания Қозоғистоннинг Костанай шаҳридаги «СариаркаАвтоПром» заводига Nexia R3 автомобилларини йирик узелли йиғиш учун SKD ҳолида ҳамда «Равон Моторс Қозоғистон»га R4 моделидаги автомобилларини тайёр ҳолида экспорт қилади.

«Бундан ташқари жорий йил бошидан буён компания томонидан Афғонистон ва Тожикистон республикаларига автомобиллар экспорти амалга оширилди», — дейилади расмий ахборотда.

Маълум қилинишича, GM Uzbekistan акциядорлик жамияти 2019 йилни фаолиятида экспорт салоҳиятини ошириш йили деб эълон қилган.

Аввалроқ, автомобил экспорти тушуми январь ойида чет элга 200 минг долларни ташкил этган маълум қилинганди. Бу 2018 йил январига нисбатан 98 фоизга кам.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Авто » GM Uzbekistan​ Қозоғистонга автомобилларнинг дастлабки партиясини экспорт​ қилди