Rasmiy hujjatlarda yer yuzidagi eng uzoq yashagan inson sifatida xitoylik Li Sin’yunning nomi tilga olinadi. U oz emas, ko‘p emas, 256 yil umr ko‘rgan. Li boboning hayotligida 24 nafar xotini bor edi. Shularning 23 nafarini o‘z qo‘li bilan boqiy dunyoga kuzatgan.
Xotinlaridan jami 180 nafar farzand ko‘rgan.
Li bobo 1677 yili Xitoyda tavallud topgan. 10 yoshida Xitoy bo‘ylab yolg‘iz sayohat qilishni boshlagan. Uzoq vaqt Tibetda yashagan. Keyinchalik boshqa mamlakatlarga sayohat qilib giyohlar va ularning organizmga ta’sirini chuqur o‘rgangan.
71 yoshida harbiy jang san’atidan yoshlarga ta’lim berishni boshlagan. Hayoti davomida u nafas olish texnikasini chuqur o‘zlashtirgan holda giyohlardan tayyorlangan ichimliklar ichgan. Ba’zi ma’lumotlarda aytiladiki, nafas olish va chiqarish texnikasini 130 yoshida to‘liq o‘zlashtirishga erishgan. Bu san’atni esa tarki dunyo qilib, tog‘larda yashagan 500 yoshli qariyadan o‘rgangan ekan.
Arxivda Li boboning bo‘yi ikki metrdan ziyod bo‘lgani, 256 yoshida 60 yoshli qariya ko‘rinishida ekani alohida ta’kidlangan. Uni 150, 200 yoshida shaxsan Xitoy hukumat rahbarlari tabriklab, otkritkalar, esdalik sovg‘alari hadya etishgan.
Odamlar shuncha ko‘p umr ko‘rishining sir-asrorini so‘rashganda, Li bobo shunday javob qilgan:
— Uzoq umr ko‘rish aslida xudodan beriladi. Biroq bandalar ham harakat qilishi lozim. Shunday ekan, uzoq yashashni istasangiz, yuragingizda hech qachon bezovtalik ko‘zga tashlanmasin, doimo xuddi toshbaqadek o‘tiring, kabutardek sergaklikka ega bo‘ling va itdek uxlang…
Li bobo o‘lishiga 6 yil qolganda qadrdon qishlog‘iga qaytgan va jon berish arafasida shunday degan ekan:
— Men hayotimda nimani rejalashtirgan, niyat qilgan bo‘lsam, barchasi amalga oshdi. Endi xotirjamlik va yorug‘ yuz bilan abadiy yashar uyimga qaytaman. Alvido, odamlar!
Manba: Hordiq.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
OAV: Markaziy Osiyo davlatlari dronlar bilan qurollanmoqda
Rossiyada amerikalik askar o‘g‘rilikda ayblanib qo‘lga olindi
Prezident Mirziyoyev Moskva paradidagi ishtirokidan so‘ng Toshkentga qaytdi
Dunyoni kezish istagini uyg‘otadigan, sayohatga ilhomlantiruvchi 5 ta film
PSJ dan 30 ta zarba, 0 ta gol!
Shavkat Mirziyoyev beshta davlat elchilaridan ishonch yorliqlarini qabul qildi
Zelenskiy va Budanovni yo‘q qilmoqchi bo‘lgan agentlar fosh etildi
Rossiyalik xaker uchun 10 million dollar va’da qilindi