Britaniyalik Ross Ejli Buyuk Britaniya oroli atrofida suzib chiqqan tarixdagi ilk odam sifatida Ginness rekordlar kitobiga kiritildi.
33 yoshli Ejli o‘z sayohatiga 1 iyunda Margit shahridan jo‘nab, soat strelkasi bo‘yicha suzgancha ulkan orolni aylanib chiqa boshlagan. Yo‘lda unga dengizchi Mettyu Nayt katamaranda hamrohlik qilgan. Ross ushbu katamaranda uxlab, dam olgan. Ejli suvda kuniga 12 soatlab bo‘lgan va biror marta sohilga chiqmagan. U Shimoliy dengiz, La-Mansh, Irland dengizi va Atlantika okeani bir qismini suzib o‘tib, 157 kun ichida 3317 km uzunlikdagi masofani ortda qoldirgan hamda 5 oy avval jo‘nagan joyida sayohatini yakunlagan.
Ejlining aytishicha, u yo‘lida hayratlanarli darajada chiroyli tong otishlar va quyosh botishlaridan tortib meduzalarga tegib ketishdan yuz kuyishi jarohati olishgacha bo‘lgan turli taassurotlarni boshdan kechirgan. Ross rekord suzishi davomida 500 mingdan ko‘proq kaloriya yo‘qotgan va yo‘qotilgan energiya zaxirasini tiklash uchun 640 donadan ko‘proq banan yegan.
Bu Ejlining birinchi marta rekordlar kitobiga kiritilishi emas. U birinchi bor rekordlar kitobiga 2016 yil fevralida 19,5 soat ichida 42 kmlik marafon masofani bosib o‘tganda kiritilgan. E’tiborlisi, u suzish vaqtida o‘z ortidan trosda 1,4 tonnalik avtomashinani sudrab yurgan. 2 oy o‘tib esa Ejli ikkinchi rekordini qayd qilgan: u kanatga sanoqsiz marta chiqib-tushib, umumiy hisobda o‘z tanasini Everest tog‘i (8848 m) balandligiga teng balandlikka ko‘tara olgan.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi