5 million nusxa Qur’on bepul tarqatildi

  • 20 yanvar 2019, 20:38
  • 3 109
  • Dunyo
  • 5 million nusxa Qur’on bepul tarqatildi
    Saudiya Arabistonining Al-Xarj viloyatidan joy olgan “Qur’on yordam markazi” eskirgan Qur’onlarni mahalliy aholidan va muassasalardan yig‘ib olib, ularni qayta ta’mirlab, xorijdagi mamlakatlarga bepul tarqatish ishlari bilan shug‘ullanadi.

    Islom.uz'ning IQNA axborot agentligiga tayanib xabar berishicha, shu kungacha ushbu markaz tomonidan dunyoning 35 ta mamlakatiga 5 million donadan ziyod Qur’oni karim bepul yetkazib berilgan. Markaz muqovalari eskirgan, o‘qishga yaroqsiz holga kelgan Qur’onlarni olib kelib berish uchun odamlarni hamkorlik qilishga chaqirgan edi. Aynan mana shu chaqiriq sabab, juda ko‘plab Mushafi shariflar markazga yetkazib berilgan.

    Ma’lumot tariqasida shuni aytish mumkinki, “Qur’on yordam markazi” bir mahalliy o‘qituvchi tomonidan tashkil etilgan. Faoliyatining boshida masjid va maktablardan eski Qur’onlarni yig‘ish bilan shug‘ullangan. Ma’lum vaqt o‘tib yig‘ilgan Mushaflar soni ortib borganidan so‘ng, ularni qayta ta’mirlab, muhtoj davlatlarga bepul tarqatishni yo‘lga qo‘ygan.

    » » 5 million nusxa Qur’on bepul tarqatildi