7 410
Bir yil davomida faqat kartoshka bilan oziqlanish natijalari shifokorni hayratga soldi
Janob Endryu Teylor taomga bo‘lgan cheksiz muhabbati bilan ajralib turardi. U qovurilgan, achchiq, yog‘li taomlarni paqqos tushirib kunini o‘tkazardi. Shuningdek shokolad, tortlar va shirinliklardan ham xush ko‘rardi. Bir yil ichida Endryu (o‘zining tan olishicha) o‘zini boshqara olmaydigan darajaga etgan. Bunday qaramlikdan tashvishga tushgan janob Teylor o‘ziga o‘zi savol berdi: insonning faqatgina bir turdagi mahsulot bilan oziqlanishi nimalarga olib kelarkin? Bu borada biroz fikr yuritgan Teylor o‘zi uchun kartoshkali parhezni tanlab oldi va bir yil unga rioya qild, deb yozmoqda Kun.uz sayti.
Rasional qaror
Teylor kartoshkaning nafaqat katta miqdordagi uglevodga egaligi, balki oqsil va yog‘larga ham boy ekanligidan xabar topdi. Bundan tashqari, sabzavot insonni S vitamini va temir moddasi bilan ta’minlaydi.
Kartoshkali tajriba
Ilk ikki hafta ancha og‘riqli o‘tdi. Ko‘p ovqat eyishga o‘rganib qolgan Teylor kartoshkalarni yig‘lab eb o‘tirardi va o‘zining suratlarini ijtimoiy tarmoqlarga yuklardi. Biroq 15-kundan boshlab ancha yengil tortgani o‘zini ham ajablantirdi. U endi avvalgidek ovqatga talpinmas, organizm ham bir maromda ishlardi.
Qat’iy nazorat
Teylor kuniga 4 kilogrammgacha kartoshka iste’mol qilishiga to‘g‘ri kelmoqda. U o‘zini qat’iy nazorat ostiga oldi hamda na do‘stlari bilan yig‘ilganda va na restoranlarda o‘z parheziga xiyonat qilmadi (ovqatini o‘zi bilan olib yurdi).
Ijtimoiy jihat
Dastlab Teylorning do‘stlari kartoshkali parhez ustidan kulishdi, biroq vaqt o‘tgan sayin uni tushunib, qo‘llab-quvvatlay boshlashdi. Avval kartoshka parheziga qarshi chiqqan Endryuning davolovchi shifokori esa bir yil davomida unga bepul xizmat ko‘rsatishga qaror qildi.
Yoqimli natijalar
Har safargi qon tahlillari avvalgilaridan yaxshi chiqqani sari shifokorning taajjubi oshib bordi. Bir yil ichida Teylorning organizmidagi xolesterin miqdori me’yorga keldi, qon bosimi normallashdi hamda qand miqdorining odatiy yuqori darajasi pasaydi. Parhezdan oldin 152 kilogrammni ko‘rsatgan tarozi parhez yakunida 99 kilogramm natijani qayd etdi.
Tajriba yakuni
Kelasi yilning 1 yanvaridan Teylor o‘zining "kartoshka olamiga sayohati"ni tugallaydi. U sog‘lom fikrlovchi inson va shu bois kartoshka parhezini yana bir yil davom ettirish yaxshilikka olib kelmasligini juda yaxshi tushunadi. O‘tgan vaqt davomida Endryu ochofatlik odatidan mutlaqo xalos bo‘ldi va endi u kartoshka asosli yangi rasion tuzishni rejalashtirmoqda. Ushbu rasionga katta miqdordagi sabzavotlar, mevalar va yog‘siz go‘sht qo‘shiladi.
Endryu Teylorning tajribasi astoyidil harakat qilgan insonning albatta o‘z maqsadiga erishishiga yaqqol misol bo‘la oladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi