Foto: AP
Isroil bosh vaziri Binyamin Netanyahu 1 may kuni AQSH davlat kotibi Entoni Blinken bilan uchrashuvda HAMAS guruhiga qarshi harbiy amaliyotlarni kamaytirish va Rafahdagi operatsiyadan voz kechish niyatida emasligini aytdi. Bu haqda The Times of Israel nashriga tayanib Interfax yozdi.
«Rafahdagi operatsiya hech narsaga bog‘liq emas. Bosh vazir Netanyahu buni davlat kotibi Blinkenga aniq aytdi», deyiladi nashr manbasi bergan ma’lumotda.
Netanyahu, shuningdek, Blinkenga HAMAS bilan garovga olinganlar kelishuvi doirasida G‘azo sektoridagi operatsiyani tugatish taklifini qabul qilmasligini aytgan.
O‘z navbatida, AQSH Davlat departamenti ushbu uchrashuvdan so‘ng press-reliz e’lon qildi, unga ko‘ra Blinken va Netanyahu G‘azoda o‘t ochishni to‘xtatishga erishish va mojaroning kengayishiga yo‘l qo‘ymaslik borasidagi sa’y-harakatlarni muhokama qilgan. Blinkenning qayd etishicha, sulhga to‘sqinlik qilayotgan narsa HAMAS pozitsiyasidir.
«Davlat kotibi Rafah bo‘yicha AQSH aniq pozitsiyasini yana bir bor takrorladi», deyiladi hujjatda.
Avvalroq, Isroil qo‘mondonligi harbiylar HAMASning 24 ta batalyonidan 20 tasini yo‘q qilganini, qolganlarini esa Rafahda yo‘q qilishi kerakligini aytgan edi. Shu bilan birga, 1,4 millionga yaqin falastinliklar – anklav aholisining yarmidan ko‘pi – janglar tufayli mamlakatning shimoliy hududlarini tark etishga majbur bo‘lganidan so‘ng Rafahdan panoh topmoqda.
Qator davlatlar Isroilni Rafahdagi operatsiyadan qaytarmoqda. Biroq bir kun avval Netanyahu garovga olinganlarni ozod qilish bo‘yicha kelishuvga erishilganmi yoki yo‘qligidan qat’i nazar, Rafahga hujum boshlanishini aytdi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina harbiy bo‘linmalari Xarkiv viloyatidagi yangi pozitsiyalarga o‘tkazildi
Rossiya kuchlari Belgorod viloyati yaqinida Ukraina armiyasining yashirin pozitsiyalarini yo‘q qildi
Pentagon mayori AQSH Isroilni qo‘llab-quvvatlagani uchun iste’foga chiqdi
Kim Chen In maxfiy yadro shaharchasini qurmoqda
HAMAS Baydenning o‘t ochishni to‘xtatish taklifiga javob qaytardi
Go‘zallik qimmatga tushmasin...
Nodirbek Abdusattorov Superbet Poland 2024 turnirida qancha ishlab topdi?
Superliga. “Dinamo” va “Surxon” hamda “Nasaf” va “Bunyodkor” o‘yinida durang qayd etildi