Prezident «Shifo Nur» ko‘ptarmoqli tibbiyot markazida bo‘ldi

  • 15 iyul 2017, 17:06
  • 5 151
  • Jamiyat
  • Prezident «Shifo Nur» ko‘ptarmoqli tibbiyot markazida bo‘ldi
    Davlat rahbari Yunusobod tumanidagi «Shifo Nur» ko‘ptarmoqli tibbiyot markazida bo‘lib, shifokor va bemorlar uchun yaratilgan sharoitlarni ko‘zdan kechirdi. Kattalar va bolalarni konservativ va jarrohlik yo‘li bilan davolash ishlarini yo‘lga qo‘yish, ushbu yo‘nalishda xorijning nufuzli klinikalari bilan hamkorlikni mustahkamlash, malakali mutaxassislarni jalb etish loyihasi bilan tanishdi, deb yozadi «UZ24» nashri.

    2013 yilda tashkil etilgan 36 o‘rinli markazda 60 dan ortiq malakali shifokor oftalmologiya, plastik jarrohlik amaliyotlari, pediatriya, kardiologiya, nevrologiya, ginekologiya, otolaringologiya, stomatologiya, fizioterapiya va optika yo‘nalishlari bo‘yicha aholiga sifatli tibbiy xizmat ko‘rsatmoqda.

    Tibbiyot muassasalarini zamonaviy tibbiy asbob-uskunalar bilan ta’minlash, tibbiy xizmat sifatini yanada oshirish kerak, dedi Prezidentimiz. Amaliyotga eng zamonaviy texnologiyalarni joriy etish bilan birga, ulardan samarali foydalanishni ham ta’minlash, shifokorlar bilimi va malakasini muttasil oshirib borish zarur.

    » » Prezident «Shifo Nur» ko‘ptarmoqli tibbiyot markazida bo‘ldi